ပါကစ္စတန်ဘက်က အမြောက်နဲ့ ညလုံးပေါက် ပစ်ခတ်ခဲ့

မေ - ၉ ( သောကြာနေ့ ) 

အိန္ဒိယနှင့်ပါကစ္စတန် နှစ်နိုင်ငံနယ်စပ်တစ်ပိုင်းဖြစ်သည့် ထိန်းချုပ်မျဉ်း (LoC) အနီးရှိ ပွန်းချ် ခရိုင်တောင်ပိုင်း တောင်တန်းများတွင် အေးချမ်းသာယာသော မန်ဒဟာရွာကို ဗုဒ္ဓဟူးနေ့ညက ပြင်းထန်သော လက်နက်ကြီး ကျည်များဖြင့် ပါကစ္စတန် နယ်စပ်ဘက်ကနေ ပစ်ခတ်ခဲ့ပါတယ်။  အမျိုးသမီးနဲ့ ကလေးငယ်တွေ အပါအဝင် အရပ်သား ၁၆ ဦးထက်မနည်း သေဆုံးပြီး ၄၄ ဦး ဒဏ်ရာရခဲ့ပါတယ်။ 

ဒေသခံများက အဲ့ဒိပစ်ခတ်မှုကို ဆယ်စုနှစ်များအတွင်း အဆိုးရွားဆုံး ပစ်ခတ်မှုဟု ခေါ်ဆိုကြပါတယ်။ ဂျမူးနှင့် ကက်ရှ်မီးယားတစ်ဝှမ်းရှိ နေရာအများအပြားရှိ LoC တစ်လျှောက်ရှိ အရပ်သားများကို ပါကစ္စတန်က အမြောက်များဖြင့် ပစ်မှတ်ထားသောကြောင့် ဆူညံသော ပစ်ခတ်သံများ က သူတို့ကို လန့်နိုးစေခဲ့ပါတယ်။ "ဝမ်းနည်းပူဆွေးစရာကောင်းတဲ့ ညတစ်ညကိုဖြတ်သန်းခဲ့ရပါတယ်" 

အမြောက်ကျည်ဆန်တွေက နေရာအနှံ့ ကျရောက်ခဲ့ပြီး နေရာအနှံ့ မီးလောင်နေတာကြောင့် ကလေးတွေ ပြေးမထွက်နိုင်ခဲ့ပါဘူး။ ဘာလုပ်ရမှန်းကိုမသိဘူး” လို့ ဒေသခံတစ်ဦးကပြောပါတယ် ။ သူ့ရဲ့ အိမ်နီးနားချင်း ဈေးဆိုင်ပိုင်ရှင် နှစ်ဦးဖြစ်တဲ့ အမ်ရက်ဆင်းဂ် ( ၅၅ နှစ်) နဲ့ ရန်ဂျစ်ဆင်းဂ် ( ၄၈ နှစ် ) ကျည်ထိမှန် သေဆုံးသွားခဲ့ရပါတယ်။ “ကျွန်တော်တို့လည်း ဝမ်းနည်းပူဆွေး ငိုကြွေးနေရတာပါ” လို့ပြောပါတယ်။ 

မကြာသေးမီနှစ်များအတွင်း အသေအပျောက်အများဆုံး တိုက်ခိုက်မှုတစ်ခုဟု လေ့လာသုံးသပ်သူများက ဆိုထားသည်။ ကက်ရှ်မီးယား၊ ပါဟယ်ဂမ် မှာ ဧပြီလက ဖြစ်ပွားခဲ့တဲ့ အကြမ်းဖက်တိုက်ခိုက်မှုအတွက် လက်တုံ့ပြန်တဲ့အနေနဲ့ အိန္ဒိယရဲ့ အော်ပရေးရှင်းဆင်ဒိုးကို မေလ ၇ ရက်ညမှာ ပစ်မှတ်ထားပြီး ပါကစ္စတန်မှာရှိတဲ့ အကြမ်းဖက်အခြေခံအဆောက်အအုံတွေကို ပစ်မှတ်ထား တိုက်ခိုက်ခဲ့ပါတယ်။ 

“ကျွန်တော်တို့ နယ်စပ်ဒေသမှာ ဆယ်စုနှစ်နဲ့ချီပြီး နေထိုင်လာပေမယ့် ဒီလိုမျိုး နှစ်အတော်ကြာအောင် မတွေ့ခဲ့ရပါဘူး။ ဒါဟာ အပျက်သဘောဆောင်တဲ့ နေ့တစ်နေ့ပါပဲ။ မီးလောင်မှုကြောင့် အပြစ်မဲ့ အရပ်သားတွေနဲ့ သတ်ဖြတ်ခံရတဲ့ ကလေးတွေ အတွက် ဘယ်သူတွေက လာပြီး ကယ်ဆယ်ပေးကြမှာလဲ” လို့ ပွန်းချ်မြို့က အစိုးရကျောင်းတစ်ကျောင်းမှာ သူမရဲ့ မိသားစုငါးယောက်နဲ့အတူနေထိုင်သူ တာဟီရာ ဘာနို က ပြောပါတယ်။

ပါကစ္စတန်ဘက်ကတော့  အိန္ဒိယရဲ့ တိုက်ခိုက်မှုကြေင့် အရပ်သား ၃၁ ဦး သေဆုံးခဲ့ပြီး ယင်းတိုက်ခိုက်မှုကို လက်စားချေမည်ဟု တုံ့ပြန်ခဲ့ပါတယ်။  ပွန်းချ် မြို့တစ်မြို့လုံးကို နယ်စပ်ဖြတ်ကျော် ပစ်ခတ်မှုကြောင့် ထိခိုက်ခဲ့ရကြောင်း ဒေသတွင်း ဥပဒေပြုအမတ် အာဂျာဇ် ဂျန် ကဆိုပါတယ်။ “ဒါက စစ်နယ်မြေတစ်ခုလိုပါပဲ” 

အိမ်တစ်အိမ်ဟာ အပျက်အစီးတွေအဖြစ် ပြောင်းလဲသွားတွေ၊ ဗင်ကားနဲ့ သယ်ဆောင်လာတဲ့ ကလေးငယ်တွေရဲ့ အလောင်းတွေ၊ လေထဲမှာ မီးခိုးလုံးတွေ တက်နေတာတွေ၊ မငြိမ်မသက်ဖြစ်နေတဲ့ မြင်ကွင်းတွေ၊  စိတ်ပျက်အားငယ်နေတဲ့ မိသားစုတွေက ယာယီတဲတွေမှာ စုပြုံ နေတာတွေ ၊ ချစ်ရတဲ့သူတွေကို ဆုံးရှုံးရလို့ ငိုကြွေးနေတာတွေ၊ နေအိမ်တွေ ပျက်စီးသွားလို့ ဝမ်းနည်းပူဆွေးနေကြရ တာတွေ  အစရှိတဲ့ စစ်ပွဲရဲ့ အနိဌာရုံတွေက  ပလူပျံနေပါတယ်။ 

“ဒီရွာက အေးချမ်းသာယာတဲ့ ရွာလေးဖြစ်ပေမယ့် အခု နေရာအနှံ့ မီးခိုးတွေ ထွက်နေတယ်” ဟု အခြားနေထိုင်သူ အသက် ၅၅ နှစ်ရှိ အဗ္ဗဒူလ်ဆလမ် ခါတာနာက ပြောပါတယ်။ အပစ်အခတ်ရပ်စဲရေး ချိုးဖောက်မှုများကို တုံ့ပြန်ခဲ့ကြောင်း အိန္ဒိယစစ်တပ်က ပြောကြားသော်လည်း အရပ်သားများသည် ဂျမူးနှင့် ကက်ရှ်မီးယား နယ်စပ်တစ်လျှောက် တင်းမာမှုများ ပြင်းထန်လာခြင်း၏ ဒဏ်ကို ဆက်လက်ခံနေကြရပါတယ်။ 

“ကျွန်တော်တို့အတွက် ဘာဖြစ်လာမလဲဆိုတာ ကျွန်တော်တို့ မသိပါဘူး။ စစ်ပွဲက ရွေးချယ်စရာ မဟုတ်ပါဘူး၊ အပြစ်မဲ့ အရပ်သားတွေက ပေးဆပ်ရတာပါ။ တောင်ပေါ်မှာ ဘဝတစ်ခု တည်ဆောက်ဖို့ နှစ်နဲ့ချီ အချိန်ယူရပြီး အခုတော့ အရာအားလုံးကို ပြာအဖြစ် ပြောင်းလဲဖို့ စက္ကန့်ပိုင်းလောက် အချိန်ယူခဲ့ရပါတယ်” ဟု ခါတာနာ က ပြောကြားပြီး ဒေသခံများက ငြိမ်းချမ်းရေးကို လိုလားကြောင်း ပြောကြားခဲ့ပါတယ်။ 

နယူးဒေလီက ပညာရှင်တွေကတော့ LoC တစ်လျှောက် နေထိုင်သူများသည် ရှေ့တန်းမှာ တိုက်ရိုက် တည်ရှိနေတာကြောင့် အန္တရာယ်အရှိဆုံးဖြစ်ကြောင်း ပြောကြားခဲ့ပါတယ်။  “အသေအပျောက်တွေ အများကြီးရှိနေပြီလို့ သတင်းပို့ထားတယ်။ တင်းမာမှုတွေ ပိုတိုးလာမယ်ဆိုရင် ဒီအသိုင်းအဝိုင်းတွေဟာ ယာယီနေရာရွှေ့ပြောင်းရုံသာမက သူတို့ရဲ့ စိုက်ပျိုးမြေတွေဆီ လက်လှမ်းမီမှုအပေါ် သိသာထင်ရှားတဲ့ ကန့်သတ်မှုတွေလည်း ကြုံရနိုင်ပါတယ်” လို့ ၎င်းတို့က သတိပေးနေပါတယ်။ 

အိန္ဒိယနှင့် ပါကစ္စတန်ကြား နယ်နိမိတ်အတွင်း ဆယ်စုနှစ်များစွာ တိုက်ပွဲများ ဖြစ်ပွားနေသော်လည်း ၂၀၀၃ ခုနှစ် အပစ်အခတ်ရပ်စဲရေး သဘောတူညီချက်အပြီးတွင် သေနတ်သံများမှာ တိတ်ဆိတ်သွားခဲ့ပါတယ်။ ၁၉၇၁ ခုနှစ် အိန္ဒိယ-ပါကစ္စတန် စစ်ပွဲပြီးကတည်းက လက်ရှိ နယ်စပ်ဖြတ်ကျော် ပစ်ခတ်မှု အတိုင်းအတာလို ပစ်ခတ်မှုတွေကို  မတွေ့ရသေးဘူးလို့ ကျွမ်းကျင်သူတွေက ပြောပါတယ်။ ဒေသခံတွေကို ဘေးလွတ်ရာကို ရွှေ့ပြောင်းကြဖို့ အစိုးရက တောင်းဆိုထားပါတယ်။ အာဏာပိုင်များက ဂျမူး နဲ့ ကတ်ရှ်မီးယား က ကျောင်းများနှင့် ကောလိပ်များကို ပိတ်ပစ်ရန်လည်း အမိန့်ပေးခဲ့ပါတယ်။

ဒေသတွင်းရှိ ဆရီနာဂါ နဲ့ လားဟ် လေဆိပ်သုံးခုကို မေလ ၁၀ ရက်အထိ ပိတ်ထားပါတယ်။ ရန်လိုမှုများ တိုးလာမည်ကို စိုးရိမ်သောကြောင့် ဒေသခံပြည်သူများအကြား ပရမ်းပတာနှင့် မသေချာမရေရာမှုများ ဖြစ်ပေါ်နေပြီး ဓာတ်ဆီကဲ့သို့သော လိုအပ်သည့်ပစ္စည်းများကို စတင်သိုလှောင်နေပြီဖြစ်ပါတယ်။ ဂျင်ဂေါ၊ ဒါချီနာ နဲ့ ဆာလမ်ဘတ် ရွာများရှိ ဒေသခံများအား ပစ်ခတ်မှုဖြစ်ပွားခဲ့ပြီး နေအိမ်အများအပြား မီးလောင်ခဲ့ကြောင်း ဒေသခံများက ပြောပါတယ်။ 

“မီးက အရမ်းပြင်းထန်တဲ့အတွက် စက္ကန့်ပိုင်းအတွင်းမှာပဲ ကျွန်တော်တို့ရဲ့ တိရစ္ဆာန်တွေကို ချန်ထားခဲ့ရပြီး ရွာကိုထားပြီး ထွက်ပြေးဖို့ကလွဲလို့ တခြားရွေးချယ်စရာကို မတွေ့ခဲ့ရပါဘူး” လို့ ယူရီ မြို့ရှိ ဆာလမဘတ် ရွာသား တစ်ဦးက ပြောပါတယ်။ “ငြိမ်းချမ်းရေးကို လိုချင်တာပါ။ စစ်မဖြစ်စေချင်ဘူး။ အဲ့ဒါက ကျွန်တော်တို့ရဲ့ အသက်တွေကို ထိခိုက်စေသလို စိတ်ကျန်းမာရေးလည်း ကွဲအက်သွားစေတယ်။ ကူကယ်ရာမဲ့နေတယ်လို့ ခံစားရတယ်” လို့ ၎င်းကဆိုပါတယ်။ 

REF: RT

https://t.me/MyanmarNationalPost