(၉)ကြိမ်မြောက် ထိုင်းတက္ကသိုလ်ပေါင်းစုံ ပညာရေးပြပွဲ ရန်ကုန်မြို့၌ ကျင်းပမည်

ရန်ကုန်  ၊ မေ ၁၉

မြန်မာနိုင်ငံရှိ ထိုင်းတက္ကသိုလ်ကျောင်းသားဟောင်းများ အသင်းမှ ဦးစီးကျင်းပသည့်(၉)ကြိမ်မြောက် ထိုင်းတက္ကသိုလ်ပေါင်းစုံပညာရေးပြပွဲ 9 Thailand Education Fair (Myanmar)အား မေ ၂၄ ရက်(စနေ့နေ့)တွင် နံနက်၉ နာရီမှ ညနေ ၄ နာရီအထိရန်ကုန်မြို့ ပြည်လမ်းရှိ နိုဗိုတယ်ဟိုတယ်၌ ကျင်းပသွားမည်ဖြစ်သည်။

ယင်းပညာရေးပြပွဲတွင် ထိုင်းနိုင်ငံမှနိုင်ငံတကာအဆင့်မီ နာမည်ကျော်တက္ကသိုလ်၂၁ခုမှ ပါဝင်ပြသမည်ဖြစ်ပြီး မြန်မာကျောင်းသားကျောင်းသူများအနေဖြင့် တက္ကသိုလ်၊ကောလိပ်များ၊ပညာရေးအဖွဲ့အစည်းများ၏ ကိုယ်စားလှယ်များထံမှ သတင်းအချက်အလက်များကို တစ်ပြိုင်နက်တည်းရယူနိုင်မည်ဖြစ်သည်။

အဆိုပါထိုင်းတက္ကသိုလ်ပေါင်းစုံ ပညာရေးပြပွဲတွင် ထိုင်းနိုင်ငံရှိ Asian Institute of Tech-nology (AIT) Asian Maritime Technological Collage | Asian Institute of Hospitality Management (AIHM)၊Bangkok University | King Mongkut's Institute of Technology Ladkrabang (KMITL)London Universities at Bangkok Centre(LUBC)၊ Mahidol Uni-versity International College (MUIC)၊ North Chiang Mai University Silpakorn University International College Southeast Bangkok University, Thailand၊ Stamford International University Thamma-sat Business School The Global Academy at Siam University University of the Thai Chamber of Commerce(UTCC)စသည့် တက္ကသိုလ်၊ ကောလိပ်ကျောင်းများနှင့် တိုက်ရိုက်ဆွေးနွေးမှုများ ပြုလုပ်ပေးမည်ဖြစ်သည်။

သို့ဖြစ်ရာ  မြန်မာကျောင်းသားကျောင်းသူများ အနေဖြင့်ကွန်ရက်များ ချိတ်ဆက်နိုင်မည့်ပညာရေးပြပွဲသို့  မည်သူမဆိုဝင်ကြေးအခမဲ့ဖြင့်  လာရောက်လေ့လာနိုင်မည်ဖြစ်ပြီး ထိုင်းတက္ကသိုလ်အများအပြားနှင့် တိုက်ရိုက်ဆွေးနွေးမှုများ ပြုလုပ်နိုင်မည်ဖြစ်ကြောင်းသိရသည်။

အောင်မြင့်

https://t.me/MyanmarNationalPost