နေပြည်တော်၊ မေ ၂၉
ယမန်နှစ်က ရာဂီမုန်တိုင်းဒဏ်ကြောင့် ထိခိုက်ပျက်စီးခဲ့ရသည့် ပညာရေးဝန်ကြီးဌာန၊ အခြေခံပညာဦးစီးဌာနအောက်ရှိ မန္တလေးတိုင်းဒေသကြီး၊ သာစည်မြို့နယ်၊ အလက(ခွဲ) မြင်းဒိုက်ကျောင်းကို နိုင်ငံခြားရေးဝန်ကြီးဌာန၊ ဝန်ထမ်းများ၊ မိသားစုဝင်များနှင့် ပြည်ပ စေတနာရှင်များက စုပေါင်းလှူဒါန်းငွေဖြင့် (၉၀’x၃၀’x၁၂’) RCC တစ်ထပ် ကျောင်းဆောင်သစ်ကို ၂၈-၁၁-၂၀၂၄ ရက်နေ့မှစတင်၍ တာဝန်ယူဆောက်လုပ်လှူဒါန်းခဲ့ရာ ယခုအခါတွင် ဆောက်လုပ်လှူဒါန်းခြင်း ပြီးစီးပြီဖြစ်ပါသဖြင့် ကျောင်းဆောင်သစ်လွှဲပြောင်း အပ်နှံခြင်းနှင့် ကမ္ဗည်းမော်ကွန်းရေးထိုးခြင်းအခမ်းအနားကို ၂၈-၅-၂၀၂၅ ရက်နေ့တွင် အလက(ခွဲ)မြင်းဒိုက်ကျောင်း၊ သာစည်မြို့နယ်၌ ကျင်းပဆောင်ရွက်ခဲ့သည်။
အဆိုပါအခမ်းအနားသို့ နိုင်ငံခြားရေးဝန်ကြီးဌာနမှ တာဝန်ရှိသူများ၊ အလက(ခွဲ) မြင်းဒိုက်မှ ကျောင်းအုပ်ဆရာမကြီးနှင့် ဆရာ/ဆရာမများ၊ သက်ဆိုင်ရာနယ်မြေမှ တာဝန်ရှိသူများနှင့် ကျောင်းဆောက်လုပ်သည့် ကုမ္ပဏီမှ တာဝန်ရှိသူများ တက်ရောက်ခဲ့ကြပြီး အဆိုပါ ကျောင်းနှင့်ဆက်စပ်စာရွက်စာတမ်းများကို ပညာရေးဝန်ကြီးဌာနသို့ ဆက်လက်လွှဲပြောင်း ပေးအပ်သွားမည် ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment