ကျောက်တံခါး ၊ မေ ၂၀
ပဲခူးတိုင်းဒေသကြီး၊ ညောင်လေးပင်ခရိုင်၊ကျောက်တံခါးမြို့နယ်တွင် အခြေခံပညာမူလတန်းအဆင့်နှင့် အလယ်တန်းအဆင့် (မြို့နယ်အဆင့်) ဘာသာရပ်စွမ်းရည်မြှင့် ဆွေးနွေးပွဲကို ဆက်လက်ဖွင့်လှစ်ပို့ချလျှက်ရှိသည်။
မြို့နယ်အဆင့် ဘာသာရပ်စွမ်းရည်မြှင့်ဆွေးနွေးပွဲများကို မူလတန်းအဆင့်အား အ-ထ-က (ကျောက်တံခါး)ကျောင်းတွင် ဖွင့်လှစ်ပြီး သင်တန်းနည်းပြ ဆရာ/ဆရာမ(၅၆)ဦးက ဆွေးနွေးပို့ချပြီး မူလတန်းအဆင့် ဆရာ/ဆရာမ(၈၃၁)ဦး တက်ရောက်မည်ဖြစ်ကြောင်းနှင့် အလယ်တန်းအဆင့်ကို အ-ထ-က(အနောက်ရပ်)ကျောင်းတွင် ဖွင့်လှစ်၍ သင်တန်းနည်းပြ ဆရာ/ဆရာမ(၂၉)ဦးတို့က ဆွေးနွေးပို့ချပြီး အလယ်တန်းအဆင့် ဆရာ/ဆရာမ(၄၅၄)ဦး တက်ရောက်လျှက်ရှိပြီး စာတွေ့လက်တွေ့ ဆွေးနွေးမှုများပြုလုပ်ကြကြောင်း သိရသည်။
အဆိုပါ အရည်အသွေးမြှင့်ဆွေးနွေးပွဲကို မေလ(၁၈)ရက်မှ (၂၀)ရက်ထိ (၃) ရက်ကြာ ဆွေးနွေးပို့ချလျှက်ရှိကြောင်း မြို့နယ်ပညာရေးမှူးရုံးမှ သိရသည်။
https://t.me/MyanmarNationalPost
No comments:
Post a Comment