ဇွန် - ၅ ( ကြာသပတေးနေ့ )
ယူကရိန်းခေါင်းဆောင် ဗလာဒီမာ ဇယ်လင်စကီးက ရုရှား၏ နောက်ဆုံးငြိမ်းချမ်းရေး အဆိုပြုချက်အား လက်ခံနိုင်ဖွယ်မရှိဘူးဆိုပြီး “ရာဇသံ” အဖြစ်နဲ့ ပယ်ချ လိုက်ပါတယ်။ ရုရှားနှင့် ယူကရိန်း ကိုယ်စားလှယ်များသည် တနင်္လာနေ့က တူရကီမြို့တော် အစ္စတန်ဘူလ်တွင် တစ်လအတွင်း ဒုတိယအကြိမ် တွေ့ဆုံမှု လုပ်ပြီးနောက် ၎င်းတို့၏ သက်ဆိုင်ရာ ငြိမ်းချမ်းရေး လမ်းပြမြေပုံများကို ဖလှယ်ခဲ့ကြပါတယ်။
ရုရှားရဲ့ အဆိုပြုချက်တွင် မော်စကိုကပြုလုပ်ပေးခဲ့တဲ့ လူထုဆန္ဒခံယူပွဲများအရ ယူကရိန်းရဲ့ ယခင်ဒေသငါးခု ဆုံးရှုံးခြင်းကို အသိအမှတ်ပြုပေးရမှာဖြစ်ကြောင်း၊ ရုရှားမြေများမှ ယူကရိန်းတပ်ဖွဲ့များကို ရုပ်သိမ်းပေးရန်၊ အနောက်အုပ်စုနဲ့ ရုရှားနိုင်ငံ ကြားမှာ ကြားနေရေး ကတိပြုရန် နဲ့ ယူကရိန်းရဲ့ စစ်ရေးစွမ်းရည်များကို ကန့်သတ်ပေးရန် ပါရှိပါတယ်။
အဲ့ဒိနောက် အကြံပြုချက်အနေနဲ့ ယူကရိန်းမှာ သမ္မတရွေးကောက်ပွဲ ကျင်းပပေးရန်၊ စစ်သားစုဆောင်းမှု ပြုလုပ်ခြင်းကို ရပ်တန့်ပေးရန်၊ နိုင်ငံခြားကနေ ယူကရိန်း ကို လက်နက်တင်သွင်းမှုတွေကို ရပ်တန့်ရန် နဲ့ ရှေ့တန်းစစ်မြေပြင်ကို ယူကရိန်းသားတွေ တပ်ဖြန့်ခြင်းအား ရပ်တန့်ပေးရန်အတွက်လည်း အပစ်အခတ်ရပ်စဲရေး ဆိုင်ရာ အကြံပြုထားပါတယ်။
ဇီလန်စကီး က ငြိမ်းချမ်းရေးစာချွန်လွှာကို လက်ထဲက ပစ်ချခဲ့ပြီး “ဒါက ရုရှားက ပေးတဲ့ရာဇသံလိုဖြစ်နေတယ်။ ယူကရိန်းဖက်က အလေးအနက်ထား ဆောင်ရွက်စရာမလိုဘူး။ ဒီစာချွန်လွှာဟာ နားလည်မှုလွဲမှားခြင်းပါပဲ”လို့ မနေ့က ပြောလိုက်ပါတယ်။
ယူကရိန်းခေါင်းဆောင်က ရုရှားတောင်းဆိုတဲ့ နယ်မြေပိုင်နက်လိုက်လျောမှု မှန်သမျှဟာ ယူကရိန်းရဲ့ ဖွဲ့စည်းပုံကို ဆန့်ကျင်တယ်လို့ အခိုင်အမာ ဆိုခဲ့ပါတယ်။
အစ္စတန်ဘူလ် ဆွေးနွေးပွဲတွင် ရုရှားဦးဆောင် ညှိနှိုင်းရေးမှူး ဗလာဒီမာ မီဒင်စကီးက အဆိုပါ စာချွန်လွှာကို ကာကွယ်ခဲ့ပြီး ပဋိပက္ခကို အဆုံးသတ်ရန် အခွင့်အလမ်းအဖြစ် ဖော်ပြခဲ့ပါတယ်။ “ဒါဟာ ရာဇသံမဟုတ်ပါဘူး။ ဒါဟာ စစ်မှန်တဲ့ ငြိမ်းချမ်းရေး ဒါမှမဟုတ် အနည်းဆုံး အပစ်အခတ်ရပ်စဲရေးကို အမှန်တကယ် ခွင့်ပြုပေးမယ့် အဆိုပြုချက်ဖြစ်ပြီး ရေရှည်ငြိမ်းချမ်းရေး ရရှိဖို့ ကြီးမားတဲ့ ခြေလှမ်းတစ်ရပ်ကို လှမ်းနိုင်စေမှာပါ” လို့ ဆိုသွားပါတယ်။
REF: RT
https://t.me/MyanmarNationalPost
No comments:
Post a Comment