ရွှေတောင်မြို့နယ်တွင် ကလေးအလုပ်သမားပပျောက်ရေး အသိပညာပေးဟောပြောပွဲကျင်းပ

ရွှေတောင်၊ ဇူလိုင် ၁၀

မျိုးဆက်သစ် ကျောင်းသားကျောင်းသူ လူငယ်များ အသိပညာ ဗဟုသုတရရှိ စေရန်နှင့် စာဖတ်သည့် အလေ့အကျင့် ကောင်းများရရှိစေရန် ရည်ရွယ်၍  ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ၊အမက ကြာနီကန် ကျောင်း တွင် ယနေ့ ၊နံနက်ပိုင်းက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အခြေခံပညာဦးစီးဌာနနှင့် ဌာနဆိုင်ရာများ ပူးပေါင်း၍ ကလေးအလုပ်သမား ပ ပျောက် ရေး အသိပညာပေး ဟောပြာပွဲနှင့် နံရံကပ်စာစောင်ပြပွဲကျင်းပခဲ့သည်။

အခမ်းအနားတွင် အမက (ကြာနီကန်) ကျောင်းမှ  ကျောင်းအုပ်ဆရာမကြီး ဒေါ်ဇာခြည်ဝင်း က အဖွင့်အမှာစကားပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ငြိမ်းငြိမ်းသန့်က ကျောင်းသား/ ကျောင်းသူများအား ကလေးအလုပ်သမား၏ အဓိပ္ပာယ် ၊ ကလေးတစ်ယောက် ၏ အလုပ်လုပ်နိုင်သည့် အသက်အရွယ်နှင့် ဥပ ဒေပါအကြောင်းအရာများကိုလည်းကောင်း၊ အာဇာနည်၏ အဓိပ္ပာယ်နှင့် အာဇာနည်နေ့ ဖြစ်ပေါ်လာပုံ စသည့် အကြောင်းအရာများကိုရှင်းလင်း ဟောပြောခဲ့သည်။ ဆက်လက်၍ မြို့နယ်တိုင်းရင်းဆေးမှူး ဒေါ်နီလာမြင့်က ခွေးရူးပြန်ရောဂါအကြောင်း၊သုံးစွဲရန်မသင့်သည့် တိုင်းရင်း ဆေးဝါးများနှင့် တိုင်းရင်းဆေးပညာ၏ အသုံးဝင်ပုံအကြောင်းတို့ကိုဆွေးနွေးဟောပြောခဲ့သည်။

ယင်းနောက် စားသုံးသူ ရေးရာဦးစီးဌာန၊ ဒု-ဦးစီးမှူး   ဒေါ်ဇင်မာချောစုကြည်က ဆိုးဆေးများအ‌ကြောင်း၊ ကုန်အညွှန်းအမှတ်အသားများအကြောင်းကို  လည်းကောင်း အသီးသီး ဟောပြောခဲ့ပြီး ပြန်/ဆက်ဦးစီးဌာနမှ ဒေါ်ရွှေဝတ်ရည်တိုးက "အစာမစားတဲ့ဇနီး" ခေါင်းစဉ်ဖြင့် ရုပ်ပုံစာအုပ်ဖြင့် ပုံပြင်ပြောခြင်းကို ဆောင်ရွက်ခဲ့သည်။ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာအုပ်စာစောင်များပြသခြင်း ကျောင်းသား၊ ကျောင်းသူလေးများကို လူကုန်ကူးမှုတိုက်ဖျက်ရေးနေ့ အထိမ်းအမှတ်နံရံကပ်စာစောင်၊ မူးယစ်ဆေးဝါးအန္တရာယ် အသိပညာပေးနံရံကပ်စာစောင်၊ ကလေးအလုပ်သမားပပျောက်ရေး နံရံကပ်စာစောင်များပြသရာ ကျောင်းသား၊ ကျောင်းသူများမှ စိတ်ပါဝင်စားစွာ ကြည့်ရှုလေ့လာခဲ့ကြပြီး စာအုပ်စာပေများကို ဖတ်ရှုခဲ့ကြောင်းသိရသည်။

https://t.me/MyanmarNationalPost