မြောက်ဥက္ကလာပ၊ ဇူလိုင် ၂၁
ရန်ကုန်တိုင်းဒေသကြီး ၊ မရမ်းကုန်းခရိုင် ၊ မြောက်ဥက္ကလာပမြို့နယ် အမှတ်(၆)အခြေခံပညာမူလတန်း ကျောင်းတွင် စုပေါင်း ဝါဆိုသင်္ကန်း ဆက်ကပ်လှူဒါန်းခြင်းကို ယမန်နေ့ နံနက် ၁၀ နာရီအချိန် အဆိုပါကျောင်းတွင် ပြုလုပ်ခဲ့သည်။
ရှေးဦးစွာ ဆရာတော်သံဃာတော်များ အမှတ်(၆)အခြေခံပညာမူလတန်း ကျောင်းအုပ်ဆရာမကြီး ဒေါ်နွယ်နွယ်သင်း နှင့် ဆရာ ၊ဆရာမများ ၊ ကျောင်းသား/သူများ ၊ ဖိတ်ကြားထားသော ဧည့်ပရိတ်သတ် များက နမောတဿ သုံးကြိမ်ရွတ်ဆို ဘုရားကန်တော့ပြီး သန္တာဦးကျောင်းတိုက်ဆရာတော်ထံမှ ငါးပါး သီလခံယူဆောင် တည်ကြသည်။ ဆက်လက်၍ ဆရာတော် သံဃာတော် အရှင်သူမြတ်များက မေတ္တသုတ် အစရှိသော ပရိတ်တရားတော်များ ရွတ်ပွား ချီးမြှင့် တော် မူကြပြီး အမှတ် (၆)အခြေခံပညာမူလတန်း ကျောင်းအုပ်ဆရာမကြီး နှင့်ဆရာ ၊ဆရာမများ ဧည့်ပရိတ်သတ် များ က ဆရာတော် သံဃာတော် အရှင်သူမြတ်များအား ဝါဆိုသင်္ကန်း ၊ နဝကမ္မ နှင့် လှူဖွယ် ပစ္စည်းများ ဆက်ကပ် လှူဒါန်း ခဲ့ကြသည်။ ထို့နောက် သန္တာဦးကျောင်းတိုက်ဆရာတော်ထံမှအနုမောဒနာ တရားနာယူကာ လှူဒါန်းမှု အစုစုအတွက် ရေစက်သွန်းချ အမျှပေးဝေကာ အခမ်းအနားကို ဗုဒ္ဓ သာသနံစိရံတိဠတု သုံးကြိမ်ရွတ်ဆို ဆုတောင်း၍ အခမ်းအနားကို ရုတ်သိမ်း ကြပြီး ဆရာတော် ၊သံဃာတော် အရှင် သူမြတ်များအား နေ့ဆွမ်း ဆက်ကပ်လှူဒါန်းခဲ့ကြကြောင်းသိရသည်။
သက်လွင်စိုး
https://t.me/MyanmarNationalPost
No comments:
Post a Comment