နီပေါ နိုင်ငံမှာဖြစ်နေတဲ့ အဓိကရုဏ်းအတွက် စိတ်မကောင်းဖြစ်ရကြောင်း အိန္ဒိယ နိုင်ငံခြားရေးဝန်ကြီးဌာန ကြေညာချက်ထုတ်ပြန်

စက်တင်ဘာ - ၉ ( အင်္ဂါနေ့ ) 

နီပေါနိုင်ငံမှာ ဖြစ်နေတဲ့ အကျင့်ပျက်ခြစားမှုတွေနဲ့ ဆိုရှယ်မီဒီယာ ပလက်ဖောင်းတွေကို တားမြစ်မှုကြောင့် အစိုးရကို လူငယ်တွေက ဆန္ဒပြမှုတွေ လုပ်နေပါတယ်။ နီပေါ လူငယ် ၅ပုံတစ်ပုံက အလုပ်လက်မဲ့ဖြစ်နေချိန်မှာ အထက်လွှာ ကလေးများရဲ့ ဇိမ်ကျတဲ့ ပုံရိပ်တွေကြောင့် လူငယ်တွေက အစိုးရကို ကျယ်ကျယ်ပြန့်ပြန့် စိန်ခေါ်မှုတွေ လုပ်လာကြပါတယ်။ 

ဆန္ဒပြမှုတွေ ပြင်းထန်လာလို့ လက်ရှိနီပေါဝန်ကြီးချုပ်က ရာထူးမှာ နှုတ်ထွက်စာတင်လိုက်ရပါပြီ။ သောင်းနှင့်ချီသော ဆန္ဒပြသူများက ဒီကနေ့နှောင်းပိုင်းတွင် လမ်းများပေါ်၌ ကျန်ရှိနေကြပြီး လမ်းများကို ပိတ်ဆို့ခြင်း၊ အစိုးရ အဆောက်အဦများကို ဝင်စီးကာ မီးရှို့ခြင်း၊ အချို့သော ကိစ္စများတွင် နိုင်ငံရေးခေါင်းဆောင်များကို တိုက်ခိုက်ခြင်းများ ပြုလုပ်ခဲ့ပါတယ်။ စစ်တပ်ရဟတ်ယာဉ်များက ဝန်ကြီးအချို့ကို ဘေးကင်းရာနေရာများသို့ ပို့ဆောင်ပေးခဲ့ရပါတယ်။ 

မနေ့ကပဲ မြို့တော်ခတ္တမန္ဒူမှာ ဆိုရှယ်မီဒီယာဆိုဒ်အများအပြားကို ပိတ်ဆို့ထားမှုအပေါ် ဒေါသထွက်နေတဲ့ လူငယ်တွေ ဦးဆောင်တဲ့ ဆန္ဒပြပွဲတွေကို ရဲတွေက ပစ်ခတ်ခဲ့နှိမ်နင်းခဲ့လို့ လူ ၁၉ ဦး သေဆုံးခဲ့ပါတယ်။

ဆန္ဒပြမှုတွေ ပြင်းထန်လာတာနဲ့အမျှ ဝန်ကြီးချုပ် ခတ်ဒါဂါပရာဆက် အိုလီ က ရာထူးက ဆင်းတော့မယ်လို့ ကြေညာခဲ့ပါတယ်။ သမ္မတက နုတ်ထွက်စာကို လက်ခံပြီး အိမ်စောင့်အစိုးရသစ်တစ်ခု မပေါ်မချင်း ဦးဆောင်ရန် အိုလီကို ပြန်ခန့်အပ်ခဲ့ပါတယ်။ 

နီပေါနိုင်ငံတွင် မနေ့ကတည်းက ဖြစ်ပေါ်တိုးတက်မှုများကို ကျွန်ုပ်တို့ အနီးကပ် စောင့်ကြည့်နေပြီး လူငယ်များစွာ အသက်ဆုံးရှုံးရသည့်အတွက် အလွန်ဝမ်းနည်းကြေကွဲရပါကြောင်း၊ ကျွန်ုပ်တို့ရဲ့ အတွေးနဲ့ ဆုတောင်းမှုများက သေဆုံးသွားတဲ့ သူများရဲ့ မိသားစုများနှင့်အတူ ရှိနေပါကြောင်း၊ ဒဏ်ရာရသူတွေ အမြန်ပြန်ကောင်းလာဖို့လည်း ဆုတောင်းပါကြောင်း၊  ရင်းနှီးသောမိတ်ဆွေ နဲ့ အိမ်နီးချင်းအနေဖြင့် သက်ဆိုင်ရာအားလုံးသည် ချုပ်တည်းမှုကို ကျင့်သုံးပြီး မည်သည့်ပြဿနာကိုမဆို ငြိမ်းချမ်းသောနည်းလမ်းဖြင့် ဆွေးနွေးအဖြေရှာကြမယ်လို့ ယုံကြည်ကြောင်း၊ အာဏာပိုင်များသည် ခတ္တမန္ဒူနှင့် နီပေါနိုင်ငံရှိ အခြားမြို့အများအပြားတွင် ညမထွက်ရအမိန့် ထုတ်ပြန်ထားကြောင်းလည်း ကျွန်ုပ်တို့ သတိပြုမိကြောင်း၊ နီပေါရှိ အိန္ဒိယ နိုင်ငံသားများအား နီပေါအာဏာပိုင်များက ထုတ်ပြန်ထားသော အဆင့်များနှင့် လမ်းညွှန်ချက်များကို လိုက်နာရန်လိုကြောင်း အိန္ဒိယ နိုင်ငံခြားရေး ဝန်ကြီးဌာနက အကြံပြုချက် ထုတ်ပြန်ထားပါတယ်။

REF: ministry of india external Affair

https://t.me/MyanmarNationalPost