တာမွေ၊ ဒီဇင်ဘာ ၂၇
ရန်ကုန်တိုင်းဒေသကြီးအစိုးရအဖွဲ့က ကြီးမှူးကျင်းသော ၂၀၂၆-ခုနှစ် (၇၈)နှစ်မြောက် လွတ်လပ်ရေးနေ့ အထိမ်းအမှတ် အမျိုးသား/အမျိုးသမီး (အလွတ်တန်း) စက်ဘီးပြိုင်ပွဲ ဆုချီးမြှင့်ခြင်းအခမ်းအနားကို ယနေ့နံနက်ပိုင်း အချိန်က ရန်ကုန်မြို့ ဒဂုံမြို့နယ်ရှိ ပြည်သူ့ရင်ပြင်ပန်းခြံတွင် ကျင်းပပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးစိုးသိန်း နှင့် တိုင်းဒေသကြီးအစိုးရအဖွဲ့ဝင်များ၊ သက်ဆိုင်ရာတာဝန်ရှိသူများ တက်ရောက်ခဲ့ကြသည်။
ရှေးဦးစွာ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက (၇၈)နှစ်မြောက် လွတ်လပ်ရေးနေ့ အထိမ်းအမှတ် အမျိုးသား/အမျိုးသမီး (အလွတ်တန်း) စက်ဘီးပြိုင်ပွဲအား သေနတ်ပစ်ဖောက်တာလွှတ်ပေးခဲ့ပြီး စက်ဘီးစီးအားကစားသမားများနှင့် စက်ဘီးစီးအားကစားဝါသနာပါသူများ စိတ်လက်ပေါ့ပါးတက်ကြွစွာ ပါဝင်ယှဉ်ပြိုင်ခဲ့ကြသည်။
ထို့နောက် ဆုချီးမြှင့်ခြင်းအခမ်းအနားကို ဆက်လက်ကျင်းပရာ ဆုရစက်ဘီးစီးအားကစားသမားများ ကွင်း အတွင်းနေရာယူခဲ့ကြပြီး (၇၈)နှစ်မြောက် လွတ်လပ်ရေးနေ့ အထိမ်းအမှတ် အမျိုးသား/အမျိုးသမီး (အလွတ်တန်း) စက်ဘီးပြိုင်ပွဲတွင် ထူးချွန်ဆုရရှိကြသူများအား တိုင်းဒေသကြီး ဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရအဖွဲ့ ဝင်များ၊ တိုင်းဒေသကြီးအစိုးရအဖွဲ့ဝင်ဝန်ကြီးများ၏ ဇနီးများက ဆုများအသီးသီး ပေးအပ်ချီးမြှင့်ခဲ့သည်။
အဆိုပါ (၇၈)နှစ်မြောက် လွတ်လပ်ရေးနေ့ အထိမ်းအမှတ် အမျိုးသား/ အမျိုးသမီး (အလွတ်တန်း) စက်ဘီး ပြိုင်ပွဲတွင် အမျိုးသား(အလွတ်တန်း) စက်ဘီးပြိုင်ပွဲကို မှော်ဘီမြို့နယ်၊ အဝင်တိုးဂိတ်အနီး(အယ်လ်ပိုင်းသောက်ရေသန့် စက်ရုံရှေ့)မှ တာလွှတ်၍ ပြည်လမ်းအတိုင်း ပြည်သူ့ရင်ပြင်ပန်းခြံထိလည်းကောင်း၊ အမျိုးသမီး(အလွတ်တန်း) စက်ဘီးပြိုင်ပွဲကို မင်္ဂလာဒုံလေဆိပ်လမ်းဆုံမှ တာလွှတ်၍ ပြည်လမ်းအတိုင်း ပြည်သူ့ရင်ပြင်ပန်းခြံထိလည်းကောင်း သတ်မှတ်ထားပြီး အမျိုးသားစက်ဘီးစီးပြိုင်ပွဲဝင် (၉၈၆)ဦးနှင့် အမျိုးသမီးစက်ဘီးစီးပြိုင်ပွဲဝင် (၈၂)ဦးတို့ ဝင်ရောက်ပါဝင်ယှဉ်ပြိုင်ခဲ့ကြကြောင်း သတင်းရရှိသည်။
နိုင်လင်းအောင်
#News #MNP #2025Election
No comments:
Post a Comment