ကျောက်မဲ၊ ဒီဇင်ဘာ ၇
ရှမ်းပြည်နယ်(မြောက်ပိုင်း)၊ ကျောက်မဲမြို့ မြို့ကျက်သရေဆောင်ခန်းမဝင်းအတွင်း၌ ယမန်နေ့က ဒီဇင်ဘာအားကစားလ အထိမ်းအမှတ် လူထုအားကစားပြိုင်ပွဲအဖြစ် အလွတ်တန်း အမျိုးသား (၃) ယောက်တွဲ ပိုက်ကျော်ခြင်းပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကို ကျင်းပခဲ့သည်။
ဗိုလ်လုပွဲတွင် ၆ ကွက် (က) အသင်းနှင့် စတားလိုက်အသင်းတို့ ယှဉ်ပြိုင်ကစားကြရာ ၆ ကွက် (က) အသင်းက နှစ်ပွဲနိုင် တစ်ပွဲရှုံးဖြင့် အနိုင်ရ၍ ဗိုလ်စွဲ ချီးမြှင့်ခံရခဲ့သည်။
ထို့နောက် ဆုချီးမြှင့်ပွဲတွင် ကျောက်မဲခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကျော်ဆွေဝင်း၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစိုးညွန့်ရွှေနှင့် တာဝန်ရှိသူများက တတိယဆုအတွက် ငွေကျပ် ၁ သိန်း၊ ဒုတိယဆုအတွက် ငွေကျပ် ၁ သိန်း ၅သောင်း၊ ပထမဆုအတွက် ငွေကျပ် ၂ သိန်း၊ ဆုတံဆိပ်များနှင့် တံခွန်စိုက်ဒိုင်းဆုများကို အသီးသီး ပေးအပ်ချီးမြှင့်ခဲ့ကြောင်း သိရသည်။
အဆိုပါ ဒီဇင်ဘာအားကစားလ အထိမ်းအမှတ် လူထုအားကစားပြိုင်ပွဲအဖြစ် အလွတ်တန်း အမျိုးသား (၃) ယောက်တွဲ ပိုက်ကျော်ခြင်းပြိုင်ပွဲကို ဒီဇင်ဘာလ ၅ ရက်မှ ၆ ရက်နေ့ထိ ကျင်းပခဲ့ပြီး ကျောက်မဲမြို့နယ်အတွင်းမှ အသင်း ၁၆ သင်း ပါဝင်ယှဉ်ပြိုင်ကစားခဲ့ကြောင်း သိရသည်။
https://t.me/MyanmarNationalPost
No comments:
Post a Comment