လားရှိုး၊ မတ် ၁၂
လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ လားရှိုးခရိုင်ဦးစီးမှူးရုံးမှ ရှမ်းပြည်နယ်(မြောက်ပိုင်း)၊ လားရှိုးမြို့နယ်ရှိသောက်သုံးရေအခက်အခဲဖြစ်နေသည့် ပြည်သူများသို့ စုစုပေါင်းသောက်သုံးရေ ၁၈၀၀ ဂါလံအား သွားရောက်လှူဒါန်းခြင်းကို မတ်လ ၁၁ ရက်နေ့ ညနေပိုင်းက ဆောင်ရွက်ခဲ့သည်။
ထိုသို့သွားရောက်လှူဒါန်းရာတွင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ လားရှိုးခရိုင်ဦးစီးမှူးရုံးမှ လက်ထောက်ညွှန်ကြားရေးမှူး ဒေါ်မျိုးသီရိသွယ်နှင့်ဝန်ထမ်းများ၊ တာဝန်ရှိသူများက ရပ်ကွက် ၄ နယ်မြေ ၁၅၊ ၁၆ တို့ရှိ သောက်သုံးရေအခက်အခဲဖြစ်နေသည့် လူဦးရေ ၂၆၀ ဦးတို့အတွက် သောက်သုံးရေစုစုပေါင်း ၁၈၀၀ ဂါလံအားသောက်သုံးရေ အခက်အခဲဖြစ်နေသည့် ပြည်သူများ အဆင်ပြေစေရေးအတွက် သွားရောက်လှူဒါန်းခဲ့ကြောင်း သိရသည်။
လူမော်
#News #MNP
No comments:
Post a Comment