ဧပြီ - ၈ ( ဗုဒ္ဓဟူးနေ့ )
မြောက်ကိုရီးယားက တာတိုပစ်ဒုံးကျည်များကို ဒီနေ့မနက်ပိုင်းမှာ နှစ်ကြိမ် ပစ်ခတ်ခဲ့ကြောင်း တောင်ကိုရီးယားစစ်တပ်က ထုတ်ပြန်ခဲ့ပါတယ်။ တောင်ကိုရီးယားဘက်က ဒရုန်းတွေနဲ့ မြောက်ကိုရီးယားဘက်ကို ကျူးကျော်ခဲ့တဲ့ ကိစ္စနဲ့ ပတ်သက်ပြီး တောင်ကိုရီးယားသမ္မတ လီဂျေးမြောင်က ဝမ်းနည်းကြောင်း ထုတ်ဖော်ပြောဆိုပြီး နှစ်ရက်အတွင်းမှာ မြောက်ကိုရီးယားက ဒုံကျည်ပစ်ခတ်မှုကို ၃ ကြိမ် လုပ်ခဲ့ကြောင်းကိုလည်း ဆိုးလ်စစ်တပ်က ပြောကြားခဲ့ပါတယ်။
ဒီနေ့ မနက်ပိုင်း ၉ နာရီထိုးလောက်မှာ မြောက်ကိုရီးယားက ၎င်းရဲ့ ကမ်းရိုးတန်း ဝမ်ဆန် ဧရိယာမှ တာတိုပစ် ပဲ့ထိန်းဒုံးကျည် အများအပြားကို အရှေ့ပင်လယ်ဘက်သို့ ပစ်လွှတ်ခဲ့ကြောင်း ဆိုးလ် ပူးတွဲစစ်ဦးစီးချုပ်(JCS) က သတင်းထောက်များအား သတင်းပေးပို့ခဲ့ပါတယ်။
အဆိုပါ ဒုံးကျည်များသည် မိုင် ၁၅၀ ခန့် အကွာအဝေးသို့ ရောက်ရှိခဲ့ကြောင်း JCS မှ ပြောကြားပြီး တောင်ကိုရီးယားနှင့် အမေရိကန် ထောက်လှမ်းရေး အာဏာပိုင်များက အဲ့ဒိဒုံးတွေရဲ့ ရည်ရွယ်ချက်အမှန်က ဘာလဲဆိုတာကို ခွဲခြမ်းစိတ်ဖြာနေပါတယ်။ "ခိုင်မာသော တောင်ကိုးရီးယား-အမေရိကန် ပေါင်းစပ်ကာကွယ်ရေး အနေအထားအောက်တွင် စစ်တပ်သည် မြောက်ကိုရီးယားရဲ့ အမျိုးမျိုးသော လှုပ်ရှားမှုများကို အနီးကပ် စောင့်ကြည့်နေပြီး မည်သည့် ရန်စမှုများကိုမဆို တခဲနက် တုံ့ပြန်ရန် စွမ်းရည်နှင့် အဆင်သင့် ရှိနေတယ်"လို့ JCS က ပြောကြားခဲ့ပါတယ်။
REF: UPI
#MNP #News
No comments:
Post a Comment