ကော့သောင်း ၊ ဧပြီ ၂၄
တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့နယ်အတွင်း စားသုံးသူပြည်သူများအား စားအုန်းဆီ လက်လီဖြန့်ဖြူးရောင်းချလျက်ရှိသော အရောင်းဆိုင်များကို ခရိုင်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဧပြီလ(၂၄)ရက် နံနက်ပိုင်းက ကွင်းဆင်းစစ်ဆေးသည်။
အဆိုပါ ကွင်းဆင်းစစ်ဆေးမှုတွင် စားအုန်းဆီ ဖြန့်ဖြူးရောင်းချသူများအနေဖြင့် သတ်မှတ်ရည်ညွှန်းဈေးနှုန်းအတိုင်း ရောင်းချမှုရှိ/မရှိ၊ အလေးချိန် မှန်ကန်မှုရှိ/မရှိ၊ခွဲဝေရရှိသည့် စားအုန်းဆီများကို ပြည်သူများထံ အပြည့်အဝ ရောင်းချမှုရှိ/မရှိ စစ်ဆေးဆောင်ရွက်ခဲ့သည်။ ကော့သောင်းမြို့နယ်အတွင်းရှိ မြို့ပေါ်ရပ်ကွက်များတွင် လက်ကားကိုယ်စားလှယ်တစ်ဦး၊ လက်လီကိုယ်စားလှယ် (၂၅) ဦးမှ တစ်လလျှင် စားအုန်းဆီ (၆၀)တန်၊ (၃၃၄)ပေပါကို ရည်ညွှန်းဈေးနှုန်းဖြင့် ဖြန့်ဖြူးရောင်းချပေးလျက်ရှိပြီး ဧပြီ (၂၀) ရက်နေ့မှ (၂၅) ရက်နေ့အတွင်း လက်လီတစ်ပိဿာလျှင် (၇၈၆၀) ကျပ် ဈေးနှုန်းဖြင့် ရောင်းချလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment