အာဖရိက က ထူးထူးဆန်းဆန်း ကူးစက်ရောဂါတွေကို တိုက်ဖျက်ဖို့ ရုရှားကူညီမယ်

ဧပြီ - ၂၄ ( သောကြာနေ့ ) 

အာဖရိကတိုက်ရဲ့ ကုန်းတွင်းပိတ်နိုင်ငံတစ်ခုဖြစ်တဲ့ ဘူရွန်ဒီတွင် ထူးခြားဆန်းကြယ်သော ရောဂါဖြစ်ပွားမှုကို တုံ့ပြန်ဖို့အတွက် အိမ်နီးချင်း ကွန်ဂိုသမ္မတနိုင်ငံနှင့် ပူးပေါင်းဆောင်ရွက်မှုများ တိုးချဲ့ခြင်းအပါအဝင် အာဖရိကတွင် ကူးစက်ရောဂါများကို တိုက်ဖျက်ရန် သဘောတူညီချက်အသစ်များကို ရုရှားက ကြေညာခဲ့ပါတယ်။ 

မကြာသေးမီနှစ်များအတွင်း ရှားရှားပါးပါးသေစေတတ်သော အပူပိုင်းဒေသကူးစက်ရောဂါ mpox ဝက်သက်ရောဂါ သည် အာဖရိကတိုက် ရဲ့ နိုင်ငံတော်တော်များများကို ပျံ့နှံ့သွားခဲ့သလို နိုင်ငံအများအပြားက အခြားကူးစက်ရောဂါများကို ရင်ဆိုင်ခဲ့ရပါတယ်။ အီဘိုလာနှင့် ကာလဝမ်းရောဂါတို့ကြောင့် အနောက်နှင့် အလယ်ပိုင်းအာဖရိကတို့တွင် ထောင်နှင့်ချီပြီး သေဆုံးခဲ့ရပါတယ်။ 

ရုရှားပြည်သူ့ကျန်းမာရေးအေဂျင်စီ က ကွန်ဂိုသမ္မတနိုင်ငံ၌ ကူးစက်ရောဂါနှင့် ကူးစက်မှုကာကွယ်ရေးစင်တာ တစ်ခုတည်ထောင်မည်လို့ အင်္ဂါနေ့တွင်ကြေငြာခဲ့ပါတယ်။ အေဂျင်စီ အကြီးအကဲနှင့် ကွန်ဂို ကျန်းမာရေးနှင့် လူဦးရေဆိုင်ရာ ဝန်ကြီး တို့က လက်မှတ်ရေးထိုးခဲ့ကြပါတယ်။ 

“ကာကွယ်ရေးနဲ့ ကုသရေး စင်တာ ဖန်တီးခြင်းက ဇီဝလုံခြုံရေးနယ်ပယ်တွင် ကွန်ဂိုသမ္မတနိုင်ငံတော်ရဲ့ အမျိုးသားအချုပ်အခြာအာဏာကို အာမခံနိုင်လိမ့်မယ်”လို့ အေဂျင်စီက ဆိုပါတယ်။ ရုရှားနိုင်ငံ စိန့်ပီတာစဘတ်မြို့တွင်ကျင်းပတဲ့ ဒုတိယအကြိမ်ရုရှား-အာဖရိက ထိပ်သီးအစည်းအဝေးဘေးဘက် သဘောတူညီချက်အနေနဲ့  လက်မှတ်ရေးထိုးခဲ့ကြပြီး ၂၀၂၃ သန့်ရှင်းရေးနှင့် ကူးစက်ရောဂါဆိုင်ရာ ပူးပေါင်းဆောင်ရွက်မှုဆိုင်ရာ  သဘောတူညီချက်ကို လိုက်နာခြင်းဖြစ်ပါတယ်။

ရုရှားက ဘူရွန်ဒီနိုင်ငံမြောက်ပိုင်းတွင် အမည်မသိရောဂါဖြစ်ပွားမှုအား တုံ့ပြန်ရာတွင် ကူညီပေးရန်လည်း ကမ်းလှမ်းခဲ့ပါတယ်။ ကမ္ဘာ့ကျန်းမာရေးအဖွဲ့ (WHO) ရဲ့အဆိုအရ အမ်ပန်ဒါ ခရိုင်တွင်ကူးစက်ခံရသူ ၃၅ ဦးကိုတွေ့ရှိခဲ့ပြီးအနည်းဆုံးလူငါး ဦး သေဆုံးခဲ့ပါတယ်။ ရောဂါလက္ခဏာများမှာ ဖျားခြင်း၊ အော့အန်ခြင်း၊ ဝမ်းလျှောခြင်း၊ ဆီးထဲသွေးပါခြင်း၊ ပင်ပန်းနွမ်းနယ်ခြင်းနှင့် အသားဝါခြင်းတို့ ပါဝင်ပါတယ်။ အီဘိုလာ၊ မာဘက်ဂ် နဲ့ အခြားလူသိများသော ရောဂါများအတွက် ဓာတ်ခွဲခန်းစစ်ဆေးမှုများသည် အနုတ်လက္ခဏာပြခဲ့ပြီး ရောဂါဖြစ်ပွားမှု၏ သဘောသဘာဝနှင့် ပတ်သက်ပြီး စိုးရိမ်မှုများ မြင့်တက်လာခဲ့ရပါတယ်။ 

REF: RT

#MNP #News