ဝါရှင်တန်၊ ဇွန် ၉
အမေရိကန်နိုင်ငံဆိုင်ရာ မြန်မာသံရုံးယာယီတာဝန်ခံ/သံအမတ်ကြီးသည် အာဆီယံကော်မတီ ဝါရှင်တန်(ASEAN Committee in Washington, ACW)၏ အလှည့်ကျဥက္ကဋ္ဌဖြစ်သူ ကမ္ဘောဒီးယား သံအမတ်ကြီးဦးဆောင်၍ ၂၀၂၆ ခုနှစ်၊ ဇွန်လ ၈ ရက်တွင် ကျင်းပပြုလုပ်သည့် အမေရိကန်စစ်မှုရေးရာ ဝန်ကြီးဌာန၊ မူဝါဒရေးရာ Under Secretary H.E. Mr. Elbridge A. Colby နှင့် အလုပ်သဘော နေ့လယ်စာ စားပွဲသို့ အာဆီယံသံအမတ်ကြီးများ၊ အခြားအာဆီယံသံရုံးအကြီးအကဲများနှင့် ကိုယ်စားလှယ်များနှင့်အတူ ပါဝင်တက်ရောက်ခဲ့သည်။
အလုပ်သဘောနေ့လယ်စာစားပွဲတွင် တက်ရောက်လာသည့် ကိုယ်စားလှယ် များက အာဆီယံ-အမေရိကန်ဘက်ပေါင်းစုံမဟာဗျူဟာမြောက် မိတ်ဖက်ဆက်ဆံရေး၏ ဖြစ်ပေါ်တိုးတက်မှု အခြေအနေများနှင့် ပူးပေါင်းဆောင်ရွက်မှုများ၊ ၂၀၂၆ ခုနှစ်တွင် အမျိုးသားကာကွယ်ရေးမဟာဗျူဟာအရ ဆောင်ရွက်ရန် ရည်ရွယ်ချက်များနှင့် ဒေသတွင်း၌ ဝန်ကြီးဌာန၏ ကြိုးပမ်းမှုများနှင့်စပ်လျဉ်း၍ အမြင်ချင်း ဖလှယ်ဆွေးနွေးခဲ့ကြောင်း သိရသည်။
#MNP #News
No comments:
Post a Comment