ပေါင်၊ ဇွန် ၁၉
မွန်ပြည်နယ်၊ပေါင်မြို့နယ် အထက (ကျွဲခြံ) ကျောင်း၌ ဥပဒေအသိပညာပေးဟောပြောပွဲကို ယနေ့နံနက်ပိုင်းက ပြုလုပ်ခဲ့ရာ ပေါင်မြို့နယ် ရဲတပ်ဖွဲ့မှူး ရဲမှူးဇော်မြင့်ထွန်း၊ပေါင်မြို့မစခန်းမှူး ဒုရဲမှူးကျော်စိုးသန်း၊ဒုတိယမြို့နယ်ဥပဒေအရာရှိ ဒေါ်ဝင့်ရည်ဦး၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ဦးစီးအရာရှိဒေါ်နှင်းထက်ထက်ဟန်၊ပေါင်မြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်မေသီတာစိုး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုး၊သစ်တောဦးစီးဌာနမှ တောအုပ်ကြီးဦးဇော်လွင်ဦး ကျောင်းအုပ်ဆရာမကြီး ဒေါ်သန်းသန်းဌေး၊ကျွဲခြံကျေးရွာအုပ်ချုပ်ရေးမှူး ဦးအောင်ဇော်ဦး၊ဆရာ၊ဆရာမများနှင့် ကျောင်းသား၊ကျောင်းသူ (၃၀၀)ဦးတက်ရောက်ခဲ့ကြသည်။
ရှေးဦးစွာ မြို့နယ်ရဲတပ်ဖွဲ့မှူး ရဲမှူးဇော်မြင့်ထွန်း က မှုခင်းကျဆင်းရေးအသိပညာပေးနှင့် မူးယစ်ဆေးဝါး၏ဆိုးကျိုးများခေါင်းစဉ်ဖြင့်လည်းကောင်းဖြင့်လည်းကောင်း၊ ပေါင်မြို့မစခန်းမှူး ဒုရဲမှူးကျော်စိုးသန်းက လူကုန်ကူးမှုတားဆီးကာကွယ်ရေးအသိပညာပေးခေါင်းစဉ်ဖြင့်လည်းကောင်း၊ဒုတိယမြို့နယ်ဥပဒေအရာရှိ ဒေါ်ဝင့်ရည်ဦးက ကလေးအလုပ်သမားပပျောက်ရေးဆိုင်ရာအသိပညာပေးခေါင်းစဉ်ဖြင့်လည်းကောင်း၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ဦးစီးအရာရှိဒေါ်နှင်းထက်ထက်ဟန်က သဘာဝဘေးအန္တရာယ်ဖြစ်ပေါ်လာပါကဆောင်ရန်၊ရှောင်ရန်အချက်များ ခေါင်းစဉ်ဖြင့်လည်းကောင်း၊မြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်မေသီတာစိုးက သွေးလွန်တုပ်ကွေး ရောဂါအကြောင်းသိကောင်းစရာ အသိပညာပေးခေါင်းစဉ်ဖြင့်လည်းကောင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုးက စာဖတ်ခြင်းအကျိုးကျေးဇူးခေါင်းစဉ်ဖြင့်လည်းကောင်း၊သစ်တောဦးစီးဌာနမှ တောအုပ်ကြီးဦးဇော်လွင်ဦးက ထင်းအစားထိုး စွမ်းအားမြှင့် မီးဖိုများတိုးချဲ့သုံးစွဲရေး ခေါင်းစဉ်ဖြင့်လည်းကောင်း အသိပညာပေးဟောပြောခဲ့ပြီး ကျောင်းသား၊ကျောင်းသူများကသိလိုသည်များကိုမေးမြန်းခဲ့ရာ တာဝန်ရှိသူများမှပြန်လည်ဖြေကြားခဲ့သည်။
ဆက်လက်၍ အထက(ကျွဲခြံ)ကျောင်းမှ ကျောင်အုပ်ဆရာမကြီး ဒေါ်သန်းသန်းဌေးက ကျေးဇူးတင်စကားပြန်လည်ပြောကြားခဲ့ပြီး သက်ဆိုင်ရာဌာနအလိုက် လက်ကမ်းစာစောင်များအား အခမဲ့ဖြန့်ဝေပေးခဲ့ကြောင်းသိရသည်။
မွန်မလေး
#MNP #News
No comments:
Post a Comment