ပခုက္ကူမြို့နယ်၌ Placement Test စာမေးပွဲ(နောက်ဆုံးနေ့) အေးချမ်းပျော်ရွှင်စွာဖြေဆိုပြီးစီး

ပခုက္ကူ၊ ဇွန် ၂၀ 

မကွေးတိုင်းဒေသကြီး၊ ပခုက္ကူမြို့နယ်၌ Placement Test(အထူးအစီအစဉ်)စာမေးပွဲကို ဇွန်လ၁၅ ရက်မှစတင်ကျင်းပရာ ဇွန်လ ၂၀ရက် စာမေးပွဲ(နောက်ဆုံးနေ့) သိပ္ပံဘာသာရပ်ကို ကျောင်းသား ကျောင်းသူ များ အေးချမ်းပျော်ရွှင်စွာဖြေဆိုပြီးစီးခဲ့ကြောင်း သိရသည်။

၂၀၂၆-၂၀၂၇ပညာသင်နှစ်တွင် ကျောင်းပြင်ပရောက်ရှိနေသောကလေးများအနေဖြင့် Placement Test(အထူးအစီအစဉ်)စာမေးပွဲဝင်ရောက်ဖြေဆို၍ အခြေခံပညာကျောင်းများ၌ ကျောင်းပြန်လည်တက် ရောက်ခွင့်ရရှိရေး အရည်အချင်းစစ်စာမေးပွဲကို ဇွန်လ၁၅ရက်မှစတင်ပြီး ပခုက္ကူမြို့ရှိ စာစစ်ဌာန ၂ခုတွင် ကျင်းပခဲ့ကြောင်း၊ ထိုသို့ကျင်းပရာ ဇွန်လ ၂၀ရက် (နောက်ဆုံးနေ့)တွင် Grade-6မှ Grade-8အထိ အလယ် တန်းအဆင့်  သိပ္ပံဘာသာရပ်ကို ကျောင်းသား ကျောင်းသူ ၆၀၃ဦး အေးချမ်းပျော်ရွှင်စွာ ဝင်ရောက်ဖြေဆို ပြီးစီးခဲ့ကြောင်း၊ Grade-1မှ Grade-5အထိ မူလတန်းအဆင့် နောက်ဆုံးနေ့အဖြစ် ဇွန်လ ၁၉ရက်တွင် လူမှုရေးဘာသာရပ်ကျင်းပရာ ကျောင်းသား ကျောင်းသူ ၈၁၈ဦး ဝင်ရောက်ဖြေဆိုပြီးစီးခဲ့ကြောင်း၊ စာမေးပွဲ အောင်စာရင်းကို ဇူလိုင်လ ၁ရက်နေ့တွင် ထုတ်ပြန်ကြေညာသွားမည်ဖြစ်ကြောင်း မြို့နယ်ပညာရေးမှူးရုံးထံ က သိရသည်။

အဆိုပါစာမေးပွဲကျင်းပနေမှုအား ခရိုင်/မြို့နယ်စီမံခန့်ခွဲရေးအုပ်ချုပ်ရေးကော်မတီဥက္ကဋ္ဌများနှင့်အဖွဲ့ ဝင်များ၊ ခရိုင်/မြို့နယ်ပညာရေးမှူးများနှင့် တာဝန်ရှိသူများက လိုက်လံကြည့်ရှုအားပေးကာ လိုအပ်သည်များ ပေါင်းစပ်ကူညီဆောင်ရွက်ပေးကြကြောင်း သိရသည်။ 

ဘာမီသာ(ပခုက္ကူ)

#MNP #News