တောင်ငူ၊ ဒီဇင်ဘာ ၁၅
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့နယ်အတွင်း ကိုဗစ်-၁၉ ရောဂါ ကာကွယ်ဆေး ထိုးနှံရန် ကျန်ရှိသူများအား ဆေးထိုးစုရပ် ဖြစ်သည့် အမှတ် ၅ ရပ်ကွက် ကေလဇာတီ ဘုရားဝန်းနှင့် ကေတုမတီ မြို့သစ် မြို့ဦးကျောင်းတိုက်တို့၌ နံနက် ၈ နာရီမှ မွန်းလွဲ ၂ နာရီအထိ ထိုးနှံပေးလျက်ရှိကြောင်း မြို့နယ် ပြည်သူ့ကျန်းမာရေးဦးစီးဌာနမှ သိရသည်။
ထို့သို့ ဆောင်ရွက်ရာတွင် အသက် ၁၈ နှစ်ပြည့်ပြီးသူများ၊ အသက် ၅၅ နှစ်နှင့်အထက် သက်ကြီးရွယ်အိုများ၊ အစိုးရနှင့် ပုဂ္ဂလိက ကျန်းမာရေးဝန်ထမ်းများ ၊ နိုင်ငံ့ဝန်ထမ်းများ ၊ ပုဂ္ဂလိက စက်ရုံအလုပ်ရုံ ဝန်ထမ်းများ ၊ စေတနာ့ဝန်ထမ်းများ၊ EAO များ ၊ အကျဉ်းထောင်များမှ အကျဉ်းသား အချုပ်သားများ ၊ ဟိုတယ် မိုတယ်နှင့် တည်းခိုခန်း အစားအသောက် ဝန်ဆောင်မှုလုပ်ငန်းများမှ ဝန်ထမ်းများ ၊ ဈေးသူဈေးသားများနှင့် ဈေးရောင်းချသူများ၊ ပုဂ္ဂလိက သယ်ယူပို့ဆောင်ရေးလုပ်ငန်းများ၊ မသန်စွမ်းများ၊ နာတာရှည်ရောဂါအခံရှိသူများအား တစ်ရက်လျှင် လူဦးရေ ၂၅၀ နှုန်းဖြင့် ပထမအကြိမ် ကာကွယ်ဆေး ထိုးနှံပေးလျက် ရှိသည်။
ထို့ပြင် ကာကွယ်ဆေး ဒုတိယအကြိမ်မြောက် ထိုးနှံနိုင်မည့်သူများအား အမှတ် ၈ ရပ်ကွက် ဂယ်ခိုဂယ်ဘား ခရစ်ယာန်ကျောင်း၌ ဆေးထိုးသတ်မှတ်ရက်များအလိုက် ထိုးနှံပေးလျက်ရှိကြောင်း သိရသည်။
သတင်း - ဇော်ထက်
https://t.me/MyanmarNationalPost
www.mnpnewsagency.com
No comments:
Post a Comment