MNP ၊ ဖေဖော်ဝါရီ ၂၇
ရခိုင်ပြည်နယ် ၊ မောင်တောမြို့နယ် (၄)မိုင်ရပ်ကွက် ၊ ရွှေတောင်ကျေးရွာ အနီးတွင် ယနေ့ နံနက် ၁၁ နာရီ အချိန် ခန့်က တောဆင်ရိုင်းနင်းမိ၍ တစ်ဦးသေဆုံးကာ ၊ ကျန်တစ်ဦးဒဏ်ရာရရှိခဲ့ကြောင်းသိရသည်။
ဖြစ်စဉ်မှာ မောင်တောမြို့နယ် (၄)မိုင်ရပ်ကွက် ၊ ရွှေတောင်ကျေးရွာနေသူများဖြစ်သော ဒေါ်ဦးညွန့်စိန် ၊အသက် (၃၀)နှစ် နှင့် ဒေါ်သာအေးစိန် ၊ အသက်(၆၂)နှစ် တို့နှစ်ဦးသည် ရွှေတောင်ကျေးရွာ ၊ အရှေ့ဘက်သို့ ငါးဖမ်းရန်သွား ရောက် စဉ် တောဆင်ရိုင်းမှ ရန်ပြုရာ ဒေါ်ဦးညွန့်စိန် ၊အသက် (၃၀)နှစ် (ဘ)ဦးမောင်ချေဖြူ မှာ တောဆင်ရိုင်းနင်းမိသဖြင့် အခင်း ဖြစ်နေရာတွင် ဂုတ်ကျိုးဒဏ်ရာဖြင့် သေဆုံးခဲ့ပြီး ဒေါ်သာအေးစိန် ၊ အသက်(၆၂)နှစ် (ဘ) ဦးစံထွန်းလှ မှာ နံရိုးကျိုး ဒဏ် ရာ (စိုးရိမ်ရ)ရရှိသဖြင့် ကရုဏာကွန်ရက် လူမှုကူညီရေးအသင်းမှ မောင်တောပြည်သူ့ဆေးရုံသို့ ပို့ဆောင်ပေးခဲ့ပြီး ဒဏ် ရာ ရရှိ သူမှာ ဆေးကုသမှုခံယူလျက်ရှိကြောင်းသိရသည်။
သတင်း - ဝေလ(မောင်တော)
https://t.me/MyanmarNationalPost
No comments:
Post a Comment