ပေါင်မြို့နယ်တွင်(၄၈)နှစ်မြောက်မွန်ပြည်နယ်နေ့အထိမ်းအမှတ် အမျိုးသား ဖူဆယ်(အလွတ်တန်း) ဘောလုံးပြိုင်ပွဲနှင့် ဆုချီးမြှင့်ခြင်း အခမ်းအနားကျင်းပ

MNP ၊ မတ် ၁၂

မွန်ပြည်နယ်၊ သထုံခရိုင်၊ ပေါင်မြို့နယ်တွင် (၄၈)နှစ်မြောက်မွန်ပြည်နယ်နေ့ အထိမ်းအမှတ် မြို့နယ်စီမံအုပ်ချုပ်ရေးအဖွဲ့ဥက္ကဌ (ဖလား)အမျိုးသားဖူဆယ် (အလွတ်တန်း)ဘောလုံးပြိုင်ပွဲနှင့်ဆုချီးမြှင့်ခြင်းအခမ်းအနားကို မတ်လ ၁၁ ရက်နေ့ညနေ ၅ နာရီ ၃၀ မိနစ်က ပေါင်မြို့နယ် အားကစားကွင်း၌ ကျင်းပပြုလုပ်ခဲ့သည်။

အဆိုပါအမျိုးသာ ဖူဆယ်(အလွတ်တန်း)ဘောလုံးပြိုင်ပွဲသို့ မြို့နယ်စီမံအုပ်ချုပ်ရေးအဖွဲ့ ဥက္ကဌ မြို့နယ်အုပ်ချုပ်ရေးမှုး ဦးသိုက်ထွန်းနှင့် ဌာနဆိုင်ရာများ၊ ဖိတ်ကြားထားသည်ဧည့်သည်တော်များကတက်ရောက် ခဲ့ကြသည်။

အမျိုးသားဖူဆယ် (အလွတ်တန်း) (၁၁)သင်း ဝင်ရောက်ယှဉ်ပြိုင်ရာတွင် ဆုရရှိသူများအား မတ်လ ( ၁၁)ရက်နေ့ညနေ ၅း ၃၀ နာရီတွင် မြို့နယ်အာကစားကွင်း၌ ပထမဆု သုံးသိန်းကျပ်ကို မြို့မအသင်းအားလည်းကောင်း၊ ဒုတိယဆု နှစ်သိန်းကျပ်ကို မုတ္တမအသင်း အားလည်းကောင်း၊ တတိယဆုရရှိသော Shwe Coconut အသင်းအား လည်းကောင်း ဆုများအသီးသီး ချီးမြှင့်ခဲ့ကြောင်းသတင်းရရှိပါသည်။

သတင်း - တင်ဇာစိုး

https://t.me/MyanmarNationalPost