(၇၆)နှစ်မြောက်ပြည်ထောင်စုနေ့အထိမ်းအမှတ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အလွတ်တန်း ဘော်လီဘော (အမျိုးသား)ပြိုင်ပွဲ ဖွင့်ပွဲ အခမ်းအနားကျင်းပ

MNP  -  ဖေဖော်ဝါရီ  ၁၀

ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် ၂၀၂၃-ခုနှစ်၊ (၇၆)နှစ်မြောက်ပြည်ထောင်စုနေ့အထိမ်းအမှတ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အလွတ်တန်း ဘော်လီဘော (အမျိုးသား)ပြိုင်ပွဲ ဖွင့်ပွဲ အခမ်းအနားကို ယနေ့၊ နေ့လယ်ပိုင်းက မြို့မအားကစားကွင်းရှိ မြို့မအားကစားရုံအတွင်း၌ ကျင်းပပြုလုပ်ခဲ့သည်။

အခမ်းအနားတွင် အားကစားသမားများ ကွင်းအတွင်းနေရာယူပြီးနောက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးဇာနည်ကျော်က အဖွင့်အမှာစကား ပြောကြားခဲ့သည်။

 ထို့နောက် စစ်​ကြောင်းမှူးကဦးဆောင်၍ အားကစားသစ္စာအဓိဋ္ဌာန်(၄)ချက် ရွတ်ဆိုပြီးနောက် အားကစားသမားများ ကွင်းအတွင်းမှ ပြန်လည်ထွက်ခွါခဲ့ပြီး ကြွေချိုင်အသင်းနှင့်မြေစာရင်း(က)အသင်းနှစ်သင်းက စတင်ကာ အသင်း(၈)သင်းမှ ယှဥ်ပြိုင်ကစားခဲ့ကြသည်။

ဖေဖော်ဝါရီလ(၁၁)ရက်နေ့တွင် ဆီမီးဖိုင်နယ်နှင့် ဗိုလ်လုပွဲကို ကျင်းပသွားမည်ဖြစ်ကြောင်းနှင့်ဖေဖော်ဝါရီ (၁၂)ရက်နေ့တွင် ဆုချီးမြှင့်ပွဲအခမ်းအနား ကျင်းပသွားမည်ဖြစ်ကြောင်း သိရသည်။ 

ရွှေရည်ဝင်းကျော်

 https://t.me/MyanmarNationalPost