ကျောက်ဖြူမြို့၌ (၇၆)နှစ်မြောက် ပြည်ထောင်စုနေ့အထိမ်းအမှတ် ဆုချီးမြှင့်ပေးအပ်ခြင်းနှင့် တေးဂီတဖျော်ဖြေရေးများဖြင့် စည်ကားသိုက်မြိုက်စွာကျင်းပ - MyanmarNationalPost

MyanmarNationalPost

News Agency

Breaking

ကျောက်ဖြူမြို့၌ (၇၆)နှစ်မြောက် ပြည်ထောင်စုနေ့အထိမ်းအမှတ် ဆုချီးမြှင့်ပေးအပ်ခြင်းနှင့် တေးဂီတဖျော်ဖြေရေးများဖြင့် စည်ကားသိုက်မြိုက်စွာကျင်းပ







MNP  -      ဖေဖော်ဝါရီ  ၁၃ 

ရခိုင်ပြည်နယ်၊ ကျောက်ဖြူမြို့၌  (၇၆)နှစ်မြောက် ပြည်ထောင်စုနေ့အထိမ်းအမှတ်အဖြစ် ဆုရကျောင်းသား၊ ကျောင်းသူများအား ဆုချီးမြှင့်ခြင်းနှင့် တေးဂီတဖျော်ဖြေရေးအစီအစဉ်များ ဖြင့် သီဆိုဖျော်ဖြေခြင်းကို ယမန်နေ့ ညနေ ၇ နာရီက နဒီသောင်ယံဂေါက်ကလပ်ကွင်းပြင်၌ စည် ကားသိုက်မြိုက်စွာ ကျင်းပပြုလုပ်သည်။ 


ဦးစွာ ကျော်ကျော်မိုးတီးဝိုင်းမှ တေးသံရှင်များက ခေတ်ပေါ်တေးသီချင်းများ၊ ရခိုင်တေး သီချင်းများဖြင့် သီဆိုဖျော်ဖြေပေးပြီး အထက(ခွဲ)မြို့မကျောင်း၊အမက-အစိုးရကျောင်း၊ အလက- လေ့ကျင့်ရေးကျောင်းများမှ ကျောင်းသား၊ကျောင်းသူများက တေးသရုပ်ဖော်ယိမ်းအကအလှ များဖြင့် ကပြဖျော်ဖြေပေးကြသည်။ ထို့နောက်(၇၆)နှစ်မြောက် ပြည်ထောင်စုနေ့အထိမ်းအမှတ် အထက်တန်း/အလယ်တန်းအဆင့် စာစီစာကုံးပြိုင်ပွဲတွင် ဆုရရှိကြသည့် ကျောင်းသား၊ ကျောင်း သူများ၊ ၂၀၂၂-၂၀၂၃ ပညာသင်နှစ် The 30th Annual World Children’s Picture Contest(Free Theme Category)ပြိုင်ပွဲနှင့်(Me and My Favourite Food)ပြိုင်ပွဲတို့တွင် အကောင်းဆုံးဆု ရရှိသူများနှင့် ပြည်နယ်အဆင့် အင်္ဂလိပ်စာစွမ်းရည်ပြိုင်ပွဲတို့၌ ဆုရရှိခဲ့ကြသည့် ကျောင်းသား၊ ကျောင်းသူများအား တာဝန်ရှိသူများက ဆုများအသီးသီးပေးအပ်ချီးမြှင့်ခဲ့သည်။  ဆက်လက်၍ ကျော်ကျော်မိုးတီးဝိုင်းမှ တေးသံရှင်များက တေးသီချင်းများဖြင့် ပျော်ရွှင်စွာ သီဆိုဖျော်ဖြေခဲ့ကြ ရာ ပွဲကြည့်ပရိတ်သတ်များက ပျော်ရွှင်စွာဖြင့်ကြည့်ရှုအားပေးခဲ့ကြသည်။ 


အဆိုပါ ဆုချီးမြှင့်ခြင်းနှင့်တေးဂီတဖျော်ဖြေရေးအခမ်းအနားသို့ ခရိုင်စီမံအုပ်ချုပ်ရေးအဖွဲ့ ဉက္ကဋ္ဌ ဦးရဲလင်းမောင်နှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ ဦးမျိုးမင်းထွဏ်းနှင့် အဖွဲ့ဝင်များ၊ ခရိုင်/မြို့နယ်အဆင့်ဌာနဆိုင်ရာအကြီးအကဲများ၊ ဖိတ်ကြားထားသည့် ဧည့်သည် တော်များ၊ ကျောင်းသား၊ကျောင်းသူများနှင့် ပြည်သူများအားလာရောက်ကြည့်ရှုအားပေးခဲ့ ကြောင်း သိရသည်။ 


တင်ထွန်းဦး၊ ဖြိုးဝေလင်း

 https://t.me/MyanmarNationalPost




No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)