MNP - ဖေဖော်ဝါရီ ၁၁
ပြည်ထောင်စုနယ်မြေ၊ နေပြည်တော်၊ ဇေယျာသီရိမြို့နယ်အတွင်းရှိ အခြေခံပညာကျောင်းများ၌ ထပ်တိုးခန့်အပ်ထားသည့် လက်ထောက်မူလတန်းပြ ဆရာ/ ဆရာမများအား ကျောင်းလုပ်ငန်းခွင်တွင် လုပ်ငန်းများဆောင်ရွက်ရာ၌ အဆင်ပြေစေရေးအတွက် လုပ်ငန်းခွင်အကြို ရက်တိုမွမ်းမံသင်တန်းကို ယနေ့နံနက်ပိုင်းက အမှတ်(၁၆)အခြေခံပညာအထက်တန်းကျောင်းတွင် ဖွင့်လှစ်ပို့ချခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇေထက်အောင်နှင့် ဒုတိယမြို့နယ်ပညာရေးမှူးဦးမင်းသူတို့က အဖွင့်အမှာစကားပြောကြားပြီး ကျောင်းအုပ်ဆရာမကြီး ဒေါ်မိုးမိုးအေးက သင်တန်းဖွင့်လှစ်ရခြင်း၏ ရည်ရွယ်ချက်ကိုရှင်းလင်းပြောကြားကာ ဝန်ထမ်းများလိုက်နာမည့် စည်းကမ်းချက်များ၊ တာဝန်များအကြောင်းနှင့် သင်တန်းစည်းကမ်းချက်များကို ရှင်းလင်းပြော ကြားခဲ့သည်။
အဆိုပါ မွမ်းမံသင်တန်းကို သင်တန်းနည်းပြ ဆရာ/ဆရာမ (၄) ဦးတို့မှ လက်ထောက်မူလတန်းပြ သင်တန်းသူ/သား (၂၀)ဦးတို့အား ဖေဖော်ဝါရီလ ၁၁ ရက်နေ့နှင့် ၁၈ ရက် ၁၉ ရက်နေ့များတွင် သင်ကြားပို့ချသွားမည်ဖြစ်ကြောင်း သိရသည်။
ထွန်းလင်း
https://t.me/MyanmarNationalPost
No comments:
Post a Comment