MNP - ဖေဖော်ဝါရီ ၁၃
မန္တလေးတိုင်းဒေသကြီး၊ တောင်သာမြို့နယ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးရွာလူထုအခြေပြုစနစ်ဖြင့် အကောင်အထည်ဖော်ဆောင်ရွက်နေသော ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ဖြင့် သံဘိုကျေးရွာ ရွာတွင်းလမ်းများ ကွန် ကရစ်ခင်းခြင်းလုပ်ငန်းအား မြို့နယ်ဦးစီးမှူး ဦးမြတ်မျိုးထွန်း၊ စီမံကိန်းတာဝန်ခံနှင့်ဝန်ထမ်းများက ယနေ့နံနက် (၉) နာရီအချိန် အဆိုပါကျေးရွာသို့ ကွင်းဆင်းစစ်ဆေးခဲ့ကြကြောင်းသိရသည်။
ထိုသို့ကွင်းဆင်းစစ်ဆေးရာတွင် ကွန်ကရစ်ဖျော်ရာတွင် အချိုးအစားမှန်ကန်မှုရှိစေရေး၊ လုပ်ငန်းခွင်အန္တရာယ်ကင်းရှင်းစေရေး၊ လောင်းပြီးကွန်ကရစ်အား အချိန်မှန်ရေလောင်းစေရေးတို့ကို မှာကြားခဲ့ပြီး ကျေးရွာကော်မတီဝင်များအား သံဘိုကျောင်းဆရာတော်နှင့်အတူ လုပ်ငန်း ခွင်အဆင်ပြေစေရေး ပေါင်းစပ်ညှိနိူင်းဆောင်ရွက်ပေးခဲ့သည်။
အဆိုပါ သံဘိုကျေးရွာတွင်းလမ်းများ ကွန်ကရစ်ခင်းခြင်းလုပ်ငန်းမှာ အရှည်ပေ ၅၂၅ ပေ၊ အကျယ် ၁၂ ပေ၊ ထု ၆ လက်မ ဖြစ်ပြီး ကျးလက်ဒေသဖွံ့ဖြိုးတိုးတက်ရေးဦးစီးဌာန စီမံကိန်းရန်ပုံငွေ ကျပ်သိန်း ၁၀၀၊ ပြည်သူလူထုထည့်ဝင်ငွေ သိန်း၃၀ ဖြင့်ဆောင်ရွက်ခြင်းဖြစ်ကာ ယခုအခါ လုပ်ငန်းအားလုံး ၅၀ ရာခိုင်နှုန်းကျော် ဆောင်ရွက်ပြီးစီးနေပြီဖြစ်ကြောင်းနှင့် လုပ်ငန်းအားလုံး ဆောင်ရွက်ပြီးစီးပါက အိမ်ခြေ ၁၉၀ လူဦးရေ ၁၀၀၀ ကျော်အတွက် သွားလာရေးလွယ်ကူအဆင်ပြေစေနိုင်မည်ဖြစ်ကြောင်း မြို့နယ်ဦးစီးမှူးကပြောသည်။
ကျော်မျိုးနိုင်
https://t.me/MyanmarNationalPost
No comments:
Post a Comment