MNP - ဖေဖော်ဝါရီ ၁၃
ရခိိုင်ပြည်နယ်၊သံတွဲခရိုင်၊သံတွဲမြို့နယ် အတွင်းရှိ ပြည်သူများ မျိုးချစ်စိတ်ဓာတ်ရှင်သန်ထက် မြက် စေရန်၊စာဖတ်သည့် အလေ့အထကောင်းများရရှိရန်၊ စာကြည့်တိုက်နှင့် ရင်းနှီးကျွမ်းဝင်မှုရှိရန် စာပေဖတ်ရှုခြင်းမှရရှိသော အကျိုးကျေးဇူးများအကြောင်း သိရှိစေရန် ရည်ရွယ်၍ (၇၆)နှစ် မြောက် ပြည်ထောင်စုနေ့အထိမ်းအမှတ် နံရံကပ် စာစောင်နှင့်စာအုပ်ပြပွဲကို ပြန်ကြားရေးနှင့် ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန( Community Centre )ခန်းမ၌ ယမန်နေ့ မွန်းလွဲ ၃ နာရီက ကျင်းပ သည်။
ရှေးဦးစွာ ပြန်ကြားရေးနှင့် ပြည်သူ့ဆက်ဆံရေး ဉီးစီးဌာနမှ လက်ထောက်ညွှန်ကြားရေးမှူးဒေါ်စန္ဒာကြည်က က စာအုပ်ပြပွဲနှင့် နံရံကပ် စာစောင်ပြပွဲများအား ကျင်းပရသည့်ရည်ရွယ် ချက်များ နှင့်မိမိတို့ဌာနအနေဖြင့် Digitalစနစ်ဖြင့်စာကြည့်တိုက်ဝန်ဆောင်မှုပေးနေသည့်အခြေ အနေများကို ရှင်းလင်းပြောကြား သည်။ ထို့ နောက် ပြပွဲသို့တက်ရောက်လာကြသူများက နံရံကပ်စာစောင်နှင့်စာအုပ်ပြပွဲတွင် ခင်းကျင်း ပြသထားသော စာအုပ်စာစောင်များကို စိတ်ပါဝင်စားစွာ လေ့လာကြည့်ရှုကြသည်။
အဆိုပါ (၇၆) နှစ်မြောက် ပြည်ထောင်စုနေ့အထိမ်းအမှတ် နံရံကပ်စာစောင်တွင်ပြည်ထောင် စုနေ့အကြောင်းသိကောင်းစရာများ၊မြန်မာ-ရုရှနှစ်နိုင်ငံဆက်ဆံရေးမှတ်တမ်းဓါတ်ပုံများနှင့် (၇၅) နှစ်မြောက်စိန်ရတုလွတ်လပ်ရေးနေ့ဆင်နွှဲမှုမှတ်တမ်းများ၊ကဗျာနှင့်ဆောင်းပါးများပါဝင်ပြီးသုတရသစာအုပ်ပေါင်း(၂၅၀)အားပြသပေးခဲ့ခြင်းဖြစ်ပါသည်။
စန္ဒာကြည်
https://t.me/MyanmarNationalPost
No comments:
Post a Comment