MNP ၊ မတ် ၁၁
မွန်ပြည်နယ် ၊ဘီးလင်းမြို့နယ် ကျိုက်ထီးဆောင်း ဒုတိယဒီပ ဒေါက်တာ နာဂဒီပ ဆရာတော်အရှင်သူမြတ် ဦီးဆောင်ညွှန်ကြားမှုဖြင့် တည်ဆောက်ပြီးစီးခဲ့သောဆံတော်ရှင် စေတီတော်များသို့အဝင် မုခ်ဦး မုခ်ဝဖွင့်ပွဲ မင်္ဂလာအခမ်းအနားကို ယနေ့ နံနက် ၉ နာရီခွဲက ကန်သာယာ ရပ်ကွက်ရှိ အဆိုပါမုခ်ဦး ရှေ့၌ ကျင်းပပြုလုပ်သည်။
မုခ်ဦးမုခ်ဝ ဖွင့်ပွဲ အခမ်းအနားကို နမောတဿ (၃) ကြိမ် ရွတ်ဆို၍ ဖွင့်လှစ်ခဲ့ပြီး ကျိုက်ထီးဆောင်းဒုတိယ ဆရာတော် အဂ္ဂမဟာသဒ္ဒမ္မ ဇောတိကဓဇ ကမ္ဘာ့ငြိမ်းချမ်းရေးပါရဂူ ဂုဏ်ထူးဆောင် ဒေါက်တာ ဘဒ္ဒန္တနာဂဒီပမှ သာဇီဝသာသနာ့မြို့တော်ဟောင်း ကျိုက်ထီးဆောင်း သုဝဏ္ဏဘုမ္မိ ဆကေသမဟာဓာတုဝင် ကျိုက်ထီးဆောင်း ဆံတော်ရှင်နှင့် ဆံတော်ရှင်စေတီတော်များသို့ သွားလာနိုင်ရန် ဂဝံမုခ်ဦးမုခ်ဝပြန်လည် တည်ဆောက်ခြင်းနှင့်စပ်လျဉ်း၍ ရှင်းလင်းမိန့်ကြားခဲ့သည်။
ထို့နောက် ဘီးလင်း မြို့နယ်အထွေထွေအုပ်ချုပ်ရေးဦးစီးဌာန ၊မြို့နယ် အုပ်ချုပ်ရေးမှူး ဦးစည်သူအောင်က ဘီးလင်းမြို့နယ် ကိုယ်စားကျေးဇူး တင် ဝမ်းမြောက်ကြောင်း မုဒိတာစကားလျောက်ထားခဲ့သည်။
ယင်းနောက် မုခ်ဦးမုခ်ဝ ဖွင့်ပွဲအခမ်းအနားကို ကျင်းပပြုလုပ်ရာ ကျိုက်ထီးဆောင်းဒုတိယဒီပဆရာတော် အဂ္ဂမဟာသဒ္ဒမ္မဇေတိကဓဇ ကမ္ဘာ့ငြိမ်းချမ်းရေးပါရဂူ ဂုဏ်ထူးဆောင် ဒေါက်တာ ဘဒ္ဒန္တနာဂဒီပ နှင့် ဖိတ်ကြားထားသော ဆရာတော်များက ဖဲကြိုးဖြတ်ဖွင့်လှစ်၍ ဂဝံ မုခ်ဦး မုခ်ဝရှိ မော်ကွန်းကမ္ဗည်းအား အမွှေနံ့သာရေဖြင့် ပတ်ဖျန်းပေးခဲ့ပြီး ဆရာတော်၊သံဃာတော်များနှင့် ဧည့်ပရိသတ်များက ဗုဒ္ဓသာသနံစိရံ တိဌတု သုံးကြိမ်ရွတ်ဆိုကာအခမ်းအနားကိုအောင်မြင်စွာရုတ်သိမ်း ခဲ့ကြောင်းသိရသည်။
ထူးနောင်
https://t.me/MyanmarNationalPost
No comments:
Post a Comment