MNP ၊ မတ် ၁၁
ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ ပင်လုံမြို့ ၊ ရပ်ကွက် (၁)၊ ယုဇနလမ်းတွင် (၂.၃.၂၀၂၃) ရက်နေ့က မီးဘေးသင့်ခဲ့သည့်နေအိမ်(၂)လုံးအား ပင်လုံမြို့၊ မြန်မာနိုင်ငံကြက်ခြေနီအသင်း၊ မြို့နယ်ဒု-တပ်ဖွဲ့မှူး စိုင်းလွင်ခမ်းနှင့် လွိုင်လင်မြို့နယ်၊ ကြက်ခြေနီအသင်းခွဲဥက္ကဋ္ဌ ဦးခွန်စံညွန့်တို့ ပူးပေါင်း၍ ထောက်ပံ့ပစ္စည်းများပေးအပ်ခဲ့ကြောင်းသိရသည်။
မီးဘေးသင့်မှုအတွက် တစ်အိမ်ထောင်လျှင် ထောက်ပံ့ပစ္စည်းများဖြစ်သော ရေသန့်ပုံး(၁)ပုံး၊ ရေပုံး(၁)ပုံး၊ လက်သည်းညှပ်(၁)ခု၊ အမျိုးသမီးလစဉ်သုံးပစ္စည်း(၂)ထုပ်၊ သွားတိုက်တံ (၅)ခု၊ သွားတိုက် ဆေး(၅)ဘူး၊ မျက်နှာသုတ်ပုဝါ(၅)ခု၊ ကိုယ်တိုက်ဆပ်ပြာ(၅)ခဲ၊ ဆပ်ပြာခွက်(၅)ခု၊ အဝတ်လျှော်ဆပ်ပြာ(၅)တုံး၊ အိမ်သာသုံးစက္ကူ(၅)လိပ်၊ ဆပ်ပြာမှုန့်(၁)ထုပ်၊ ခေါင်းလျှော်ရည်(၁)ဘူး၊ သောက်ရေခွက် (၂)ခွက်၊ ခေါင်းဘီး(၁)ချောင်း၊ မှန်(၁)ချပ်၊ ရေသန့်ဆေးပြား(၃)ခု၊ မုတ်ဆိတ်ရိတ်ဓား(၅)လက်၊ တာပေါ်လင်စ (၂)ခု၊ စောင်(၂)ထည်၊ ခြင်ထောင်(၁)လုံး၊ ပုဆိုး(၁)ထည်၊ လုံခြည်(၁)ထည်၊ ကလေး (ကျား)ဘောင်းဘီ(၁)ထည်၊ ကလေး (ကျား) အင်္ကျီ(၁)ထည်၊ ကလေး(မ)စကတ်(၁)ထည်၊ ကလေး(မ)အင်္ကျီ(၁)ထည်၊ ကြိုး(၁)ချောင်း၊ တူ(၁)လက်၊ မီးဖိုချောင်းသုံးပစ္စည်း(၁)၊ ပလတ်စတစ်ပုံး(၁)ပုံး စုစုပေါင်း(၂၁)မျိုးတို့ကို ထောက်ပံ့ပေးအပ်ခဲ့ပါသည်။
အဆိုပါထောက်ပံ့မှုကို ပင်လုံမြို့၊ အထွေထွေအုပ်ချုပ်ရေးဦးစီးဌာနမှ မြို့အုပ်ချုပ်ရေးမှူး၊ ပင်လုံမြို့၊မြန်မာနိုင်ငံကြက်ခြေနီအသင်း၊လွိုင်လင်မြို့နယ်၊ ကြက်ခြေနီ အသင်းခွဲ၊ ရပ်ကွက်(၁) အုပ်ချုပ်ရေးမှူး၊ ရပ်ကွက်စာရေး၊ ရာအိမ်မှူးနှင့် ဆယ်အိမ်မှူးတို့က ဆောင်ရွက်ပေးခဲ့ကြောင်း သိရှိရသည်။
https://t.me/MyanmarNationalPost
No comments:
Post a Comment