MNP ၊ ဇူလိုင် ၁၈
မွန်ပြည်နယ်၊ ကျိုက်ထိုမြို့နယ်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနတို့ပူးပေါင်း၍ "ကလေးအလုပ်သမားပပျောက်ရေး" ခေါင်းစဉ်ဖြင့် Talk Show ဆွေးနွေးပွဲကို ဇူလိုင်(၁၈)ရက် နေ့လယ်(၁)နာရီ က ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမ၌ အွန်လိုင်းမှတစ်ဆင့် ရိုက်ကူးထုတ်လွှင့်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစိးအရာရှိ ဒေါ်သန်းသန်းမော်က ဆွေးနွေးပွဲ ပြုလုပ်သည့်ရည်ရွယ်ချက်ကို ပြောကြားပြီး အစီအစဉ်တင်ဆက်သူအဖြစ်ဆောင်ရွက်ကာမြို့နယ်အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနမှဦးစီးအရာရှိဒေါ်နန်းအေးမြတ်မိုးက ဦးဆောင်ဆွေးနွေးခဲ့သည်။
ထိုသို့ဆွေးနွေးရာတွင် ကလေးအလုပ်သမားအဖြစ် သတ်မှတ်သည့် အသက်အရွယ်အပိုင်းအခြား၊ကလေးအလုပ်သမားပပျောက် အောင်ဆောင်ရွက်သင့်သည့်နည်းလမ်း၊အလုပ်ရှင်များလိုက်နာရမည့်ညွှန်ကြားချက်များ၊ စက်ရုံအလုပ်ရုံများတွင် ကလေးအလုပ်သမားများနှင့်ပက်သက်သည့်ညွှန်ကြားချက်များ စသည်တို့ကို အပြန်အလှန် မေးမြန်း၊ ဖြေဆို၊ တင်ဆက်ခဲ့ကြသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုကဲ့သို့ အသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကို စဉ်ဆက်မပြတ်ဆောင်ရွက်လျက်ရှိပြီး Talk Show အစီအစဉ်များကို ပြည်သူများအကျိုးရှိစေမည့် သတ်မှတ် ခေါင်းစဉ်အလိုက် ရိုက်ကူးထုတ်လွှင့်ခြင်းအား လူထုအခြေပြုဗဟိုဌာနခန်းမ၌ လစဉ်ပုံမှန် ပြုလုပ်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment